खाद्य स्वच्छता तथा गुणस्तर ऐन २०८१ को सफल कार्यन्वयन हुन सके खाद्य श्रीङ्खलाका सबै चरण (खाद्य उद्योग, ढुवानी, भण्डारण, बजार आदि)मा स्वच्छता, गुणस्तर अक्षुण रहने र यसले उपभोक्ताको हित संरक्षण गर्ने कुरामा दुईमत छैन। यसका लागि खाद्य स्वच्छतामा सरोकार राख्ने सबै पक्ष आफ्नो जिम्मेवारीमा इमान्दार हुनुपर्दछ।
प्रस्तावनाः मानव स्वास्थ्यको सुरक्षा तथा उपभोक्ता हित संरक्षणका लागि खाद्य श्रृङ्खलाका सबै चरणमा वैज्ञानिक तथ्यका आधारमा खाद्य पदार्थको स्वच्छता तथा गुणस्तर निर्धारण र त्यसको नियमनको व्यवस्था गर्न खाद्य स्वच्छता सम्बन्धी कानूनी व्यवस्थालाई संशोधन र एकीकरण गर्न वाञ्छनीय भएकोले संघीय संसदले यो ऐन बनाएको छ।
