सचिन बिमलीको स्वरमा ‘त्यो मनमा’ कभर गीत सार्वजनिक

४९ पटक पढिएको

गायक सचिन बिमलीको स्वरमा रहेको लोकप्रिय गीत ‘त्यो मनमा’ को कभर भिडियो सार्वजनिक गरिएको छ।

गीतको कभर गायन तथा प्रस्तुति बिमलीकै रहेको छ भने संगीततर्फ Karaoke Nepal को सहयोग रहेको छ। भिडियोको क्यामेरा, सम्पादन तथा निर्देशन गाथा रेकर्ड्सले गरेको हो।

गीतको रेकर्डिङ, मिक्सिङ तथा मास्टरिङ सिद्धान्त राना मगरले गरेका छन्। भिडियोको छायांकन विभिन्न तीन स्थानसँगै एक क्याफेमा गरिएको छ, जसले गीतको भावनाअनुसार फरक–फरक दृश्य प्रस्तुत गरेको छ।

प्रेम, सम्झना र मनभित्र लुकेका भावनालाई केन्द्रमा राखिएको ‘त्यो मनमा’ कभरलाई दर्शक तथा संगीतप्रेमीबाट सकारात्मक प्रतिक्रिया मिल्ने अपेक्षा गरिएको छ।