रोशी खोलामा बस बीचमै फस्यो, यात्रुहरुको सकुशल उद्धार

३६ पटक पढिएको

काभ्रे । काभ्रेपलाञ्चोकको रोशी गाउँपालिका–७ कटुन्जेबाट थानसिंह जाने भित्री सडकखण्डअन्तर्गत खरिबोटमा यात्रुवाहक बस खोला तर्ने क्रममा बीचमै फसेको छ।

विहिबार बिहान बस खोला तर्ने क्रममा पानीको बहावका कारण खोला पार गर्न नसकी बीचमै रोकिएको थियो ।

घटनाको जानकारी पाएलगत्तै विपद् व्यवस्थापन बेस भकुण्डेबेँसीबाट गएको विपद् व्यवस्थापन टोलीले बसमा रहेका यात्रुहरूको उद्धार गरेर सुरक्षित स्थानमा लागेको छ । प्रारम्भिक विवरणअनुसार घटनामा मानवीय क्षति भएको जानकारी प्राप्त भएको छैन।

खोलामा पानीको बहाव बढ्नु तथा सडकको अवस्थाका कारण बस फसेको हुनसक्ने जनाइएको छ ।