सेयर बजारमा ३९.२६ अंकको गिरावट

१६८ पटक पढिएको

काठमाडौं । सेयर बजार आज ३९.२६ अंकले घटेर दुई हजार ४९ दशमलब ४४ विन्दुमा बन्द भएको छ।

आज तीन अर्ब ७ करोड ३९ लाख बराबरको कारोबार भएको छ । आज कारोबार भएका १४ कम्पनीको शेयरमूल्य बढेको छ भने २०८ कम्पनीकोे शेयरमूल्य घटेको छ । २ वटा कम्पनीको शेयरमूल्य स्थिर रहेको छ ।

आज दुई कम्पनीको शेयरमूल्यमा उच्च वृद्धि भएको छ । जसमा सिटी होटल्सको शेयरमूल्य ९.९९ प्रतिशतले बढेर प्रतिकित्ता ६१५.६० रहेका छ भने रावा इनर्जी डेभलपमेन्ट लिमिटेडको शेयरमूलय पनि ९.९९ प्रतिशतले बढेर प्रतिकित्ता २७४.२० रुपैयाँ पुगेको छ ।

आज सबैभन्दा बढी बिपीडब्लु लघुवित्त वित्तीय संस्था र मोदी इनर्जी लिमिटेडका लगानीकर्ताले सर्वाधिक गुमाएका छन् । यसको शेयरमूल्य आज १० प्रतिशतले घटेको छ ।