अपर तामाकोशीले तोक्यो बुक क्लोज मिति

१६८ पटक पढिएको

अपर तामाकोशी हाइड्रोपावर लिमिटेडले हकप्रद प्रयोजनको लागि बुक क्लोज मिति तोकेको छ । कम्पनी सञ्चालक समितिको बैठकले साउन २६ गते हकप्रद प्रयोजनको लागि बुक क्लोज गर्ने जनाएको हो ।

त्यस अनुसार साउन २५ गतेसम्म कायम शेयरधनीहरुले मात्रै कम्पनीले निष्काशन गर्ने शत प्रतिशत हकप्रद शेयरमा आवेदन दिन सकिनेछ ।

कम्पनीले १ः१ को अनुपात अर्थात १ कित्ता शेयर बराबर १ कित्ता शेयर हकप्रद जारी गर्न लागेको हो । कम्पनीले प्रति शेयर १०० रुपैयाँको दरले हुने १० अर्ब ५९ करोड रुपैयाँ बराबरको १० करोड ५९ लाख कित्ता हकप्रद शेयर निष्काशन गर्नछ ।

हाल कम्पनीको चुक्ता पूँजी १० अर्ब ५९ करोड रुपैयाँ रहेको छ । शत प्रतिशत हकप्रद निष्काशन पश्चात कम्पनीको चुक्ता पूँजी २१ अर्ब १८ करोड रुपैयाँ पुग्नेछ ।

कम्पनीकाे हकप्रद निष्काशन तथा बिक्री प्रबन्धकमा नागरिक लगानी कोष र सनराइज क्यापिटल रहेका छन् ।