भरतपुरमा स्कुटर दुर्घटना: दुईजना घाइते, एकको अवस्था गम्भीर

१६७० पटक पढिएको

भरतपुर,कात्तिक २९– चितवनको भरतपुरमा स्कुटर दुर्घटना हुँदा दुईजना घाइते भएका छन्। दुर्घटनामा एकको अवस्था गम्भीर रहेको छ।

चितवनको भरतपुर महानगरपालिका ४ रामघाट स्थित बिशालचोकबाट रामघाट तर्फ जाँदै गरेको प्रदेश १-०२-०५६ प ११६० नं. को स्कुटर आफै अनियन्त्रित भई पल्टिएको थियो।

दुर्घटनामा स्कुटर चालक जिल्ला तनहुँ घिरिङ्ग गापा १ घर भई हाल भरतपुर ४ बिशालचोक बस्ने अन्दाजी बर्ष ३५ की शान्ता सिक्देलको अनुहार र दाँहिने खुट्टामा चोट लागेको छ। उनी बोल्न नसक्ने गम्भिर अवस्थामा रहेको जिल्ला प्रहरी कार्यालय चितवनले जानकारी दिएको छ।

स्कुटर पछाडी सवार ऐ.ऐ. बस्ने बर्ष १३ की महिमा भट्टराईको अनुहारमा चोट लागेको र उनको अबस्था सामान्य रहेको छ।

घाइतेको नयाँ मेडिकल कलेज भरतपुरमा उपचार भैरहेको प्रहरीले बताएको छ।