बिच्छीले टोकेर ८ वर्षीया बालिकाको मृत्यु

१७५ पटक पढिएको

हेटौंडा, जेठ १६ । मकवानपुरको बकैया गाउँपालिकामा बिच्छीले टोकेर एक ८ वर्षीया बालिकाको मृत्यु भएको छ ।

बकैया–७ मैनाटार बस्ने वीरबहादुर वाईवाकी ८ वर्षीया छोरी अस्मिता वाईवाको मृत्यु भएको हो ।

बिच्छीले टोकेकी बालिकाको विहीबार राति उपचारको क्रममा हेटौँडा अस्पतालमा मृत्यु भएको प्रहरी नायव उपरीक्षक श्यामु अर्यालले जानकारी दिए । उनलाई बुधबार आफ्नै घरमा बिच्छीले टोकेको थियो ।