पार्किङ गरिएको ट्याक्टर आफैं गुड्दा ५ वर्षीया बालिकाको मृत्यु

३० पटक पढिएको

सिन्धुली । सिन्धुलीको कमलामाई न.पा.-०८ करकरेमा पार्किङ गरी राखिएको ट्याक्टर आफैं गुड्दा एक बालिकाको मृत्यु भएको छ ।

सिन्धुलीको कमलामाई न.पा.-०८ करकरे निवासी गौरीशंकर थापाकी ५ वर्षीया छोरी शान्वी थापाको स्थानीय बिशाल श्रेष्ठको ना ६ त २५३४ नम्बरको ट्याक्टर अचानक आफै गुडी निज किची घांईते भई उपचारको क्रममा निधन भएको छ।

तत्काल निजको ठुलोममी र ट्याक्टर साहु बिशाल श्रेष्ठले जिल्ला अस्पताल सिन्धुली पुर्‍याएका थिए । घाईते शान्वी थापाको उपचारकै क्रममा अस्पतालका चिकित्सकले उनलाई मृत घोषणा गरेका थिए ।

प्रहरीले घटनाका बारे आवश्यक अनुसन्धान गरिरहेको जनाएको छ ।