एम्बुलेन्स दुर्घटना हुँदा चालकसहित चार जना घाइते

३१ पटक पढिएको

बाँकेको बैजनाथ-१ हात्तिसारस्थित रत्न राजमार्गमा रुकुमदेखि नेपालगञ्जतर्फ आउँदै गरेको एम्बुलेन्स दुर्घटना हुँदा चालकसहित चार जना घाइते भएका छन् ।

रुकुम पश्चिमको चौरजहारी नगरपालिका- ५ निवासी ३४ वर्षीय दिपेश ढकालले चलाएको भे.१ झ.३६५ नम्बरको एम्बुलेन्स अन्य सवारीलाई साइड दिने क्रममा अनियन्त्रित भई सडकछेउको नालामा पल्टिएको हो ।

दुर्घटनामा एम्बुलेन्स चालक ढकालसहित एम्बुलेन्समा सवार रुकुम चौरजहारी- १० निवासी २७ वर्षीय मदन बुढा, ३६ वर्षीया सुनिता रेग्मी र ७२ वर्षीया लिलावती बुढा घाइते भएका छन् । घाइते सबैलाई उपचारका लागि कोहलपुर मेडिकल कलेज पठाइएको छ भने चालकसहित सबै घाइतेको अवस्था मध्यम रहेको छ ।