पाँचौं भिमाद मेयर कपको उपाधि बौदीकाली गाउँपालिकालाई

४८३ पटक पढिएको

नवलपुर । तनहुँमा भएको पाँचौं भिमाद मेयर कपको उपाधि बौदीकाली गाउँपालिका डेढगाउँले जितेको छ ।

चैत्र १ गते देखि शुरू भएको अन्तरपालिका स्तरीय पुरुष भलिबल प्रतियोगिता र क्लव स्तरीय खुल्ला महिला भलिवल प्रतियोगिताको फाइनल खेल बिहीबार सम्पन्न भएको थियो ।

पुरुष तर्फ भिमाद नगरपालिका ‘ ए ‘ र बौदीकाली गाउपालिका वीच भएको फाइनल खेलमा ३-१ सेटले भिमाद नगरपालिकालाई पछि पार्दै बौदीकाली गाउपालिकाले उपाधि उचाल्न सफल भएको हो ।

यस्तै घिरीङ्ग गाउँपालिका तृतीय भएको छ । प्रतियोगितामा प्रथम द्धितीय र तृतीय हुने समुहले क्रमश १ लाख , ७५ हजार र ५० हजार प्राप्त गरेका छन् ।

महिला तर्फको प्रतियोगिताको उपाधि कास्की अर्चलबोट क्लबले उचालेको छ ।

महिला तर्फ भिमाद नगरपालिका ‘ए ‘ र कास्की अर्चलवोट विच भएको फाइनल खेलमा भिमाद नगरपालिकालाई २-० सेटले पराजित गर्दै कास्की अर्चलवोट क्लबले महिलातर्फको उपाधि उचालेको हो । यस्तै कास्की पोखरा क्लब गगनगौडा तृतीय भएका छन् । प्रतियोगितामा प्रथम द्धितीय र तृतीय हुने समुहले क्रमश ७५ हजार , ५० हजार, २५ हजारको साथमा शिल्ड मेडल र प्रमाणपत्र हासिल गरेका छन् ।

सो अवसरमा भिमाद नगरपालिकाका नगरप्रमुख मेख बहादुर थापा , ऋषिङ्ग गाउँपालिका अध्यक्ष राजेन्द्र कृष्ण श्रेष्ठ र घिरिङ्ग गाउँपालिकामा अध्यक्ष रन बहादुर रानाले संयुक्त रूपमा पुरस्कार वितरण गर्नु भएको थियो । पुरुषतर्फ ७ टिमको सहभागिता रहेको थियो भने महिला तर्फ ४ टिमको सहभागिता रहेको नगर खेलकुद विकास समितिका संयोजक प्रेम बहादुर थापाले जानकारी दिनुभयो ।