उपसचिवबाट राजीनामा दिएका भुषालले पाएनन मेयरको टिकट

देवचुली:  नवलपुरको देवचुली नगरपालिकामा मेयर पदमा लड्न  उपसचिवबाट राजीनामा दिएका बिष्णुप्रसाद भुसाललाई नेपाली कांग्रेसले अन्तत: टिकट दिएन।

सोमबार मनोनयन दर्ता गर्ने अन्तिम दिनसम्म भुसाललाई कांग्रेसले टिकट नदिएपछि भुषालले भने ‘टिकट पाइएन। राजनीति भन्ने चिज गाह्रो हुँदो रहेछ,’

देवचुली नगरपालिकाका स्थानीय भुषाल देवचुली तथा गैँडाकोट नगरपालिकामा प्रमुख प्रशासकीय अधिकृत बनेर काम गरेका थिए।

देवचुलीमा कांग्रेसले अशोक बस्ताकोटीलाई मेयर उम्मेदवार बनाएको छ।

संघीय मन्त्रालयमा कार्यरत भुसालले गत शुक्रबार आफूले उपसचिवबाट राजीनामा दिएका थिए। भुषालले दिएको राजीनामा भने स्वीकृत भइसकेको छैन।