रिभर फल्सको आईपीओ बाँडफाँट, २ लाख ५३ हजार ८९० जनाले पाए १० कित्ता शेयर

काठमाडौँ: रिभर फल्स पावर लिमिटेडले सर्वसाधारणको लागि निष्काशन गरेको आईपीओ बाँडफाँट गरेको छ।

बिक्री प्रबन्धक प्रभु क्यापिटलकाे कार्यलयमा सोमबार साँझ ४ बजे शेयर बाँडफाँट भएको हो ।

कम्पनीको आईपीओमा न्यूनतम १० कित्ताको दरले शेयर वितरण गर्दा २ लाख ५३ हजार ८९० जनाले शेयर पाएका छन् ।

आईपीओमा १८ लाख ५९ हजार २४२ जना आवेदकबाट २ करोड १३ लाख ९४ हजार ६३० कित्ताको लागि आवेदन परेको छ । त्यसमध्ये ४९ हजार ९८३ जनाको आवेदन रद्द भएको क्यपिटलले जनाएको छ । त्यस अनुसार १८ लाख ९ हजार २५९ जनाको मात्रै योग्य आवेदन परेको छ।

आईपीओ चेक गर्न तलको लिङ्क क्लिक गर्नुहोस्।

1. https://iporesult.cdsc.com.np
2. https://results.prabhucapital.com