मन्दाकिनी हाइड्रोपावरको आईपीओ बाँडफाँट, भाग्यमानी ९ जनाको हातमा ११ कित्ता शेयर

३७९ पटक पढिएको

काठमाडौं । मन्दाकिनी हाइड्रोपावर लिमिटेडको आईपीओ बाँडफाँट भएको छ । बिक्री प्रबन्धक बिओके क्यापिटल मार्केट लिमिटेडले मंगलवार अपरान्ह ४ बजे आफ्नै कार्यालयमा मंगलवार आईपीओ बाँडफाँट गरेको हो ।

विक्री प्रबन्धकका अनुसार कम्पनीको आईपीओ खरीदका लागि कुल १५ लाख ४७ हजार ९४९ जनाको आवेदन परेको थियो । यी आवेदकहरूबाट कुल १ करोड ६९ लाख १६ हजार ८८० कित्ताको शेयर खरीद माग भएको विक्री प्रबन्धकले जानकारी दिएको हो ।

कुल आवेदकहरूमध्ये १ हजार ६६५ जनाको आवेदन रितपूर्वक नभएकाले रद्द गरिएको छ । योग्य १५ लाख ४६ हजार २८४ जना आवेदकहरूलाई गोलाप्रथाको माध्यमबाट आईपीओ बाँडफाँट सहभागी गराईएको हो । योग्य आवेदकहरूमध्य १ लाख ९ हजार ३७४ जनाले शेयर प्राप्त गरेका छन् ।

यी मध्य भाग्यमानी ९ जनाले ११ कित्ता शेयर प्राप्त गरेको जानकारी विक्री प्रबन्धकले दिएको हो ।  कम्पनीले सार्वजनिक निष्कासनमार्फत विक्री गरेको कुल कित्ता शेयर पहिलो चरणमा न्यूनतम १० कित्ताका दरले बाँडफाँट गरी बाकी रहेको ९ कित्ता शेयर थप ९ जनालाई एक एक कित्ताका दरले पुनः बाँडफाँट गरेको हो । आर्थिक न्यूजबाट

 

थप समाचार:

मन्दाकिनी हाइड्रोपावरकाे आईपीओमा आवेदन दिने आज अन्तिम दिन