आकासियो डलरको भाउ

काठमाडौं : अमेरिकी डलरको भाउले नयाँ रेकर्ड कायम गरेको छ ।

नेपाल राष्ट्र बैंकका अनुसार बिहीबार (असोज ३ गते) १ डलरको भाउ (बिक्रीदर) १३२ रुपैयाँ ५४ पैसा कायम भएको छ । यस्तै, खरिददर पनि १३३ रुपैयाँ १४ पैसा कायम भएको छ । जुन हालसम्मकै उच्च विन्दु हो । यसअघि बुधबार (असोज २ गते) १ डलरको भाउ (बिक्रीदर) १३२ रुपैयाँ ०८ पैसा कायम भएको थियो । यस्तै, खरिददर पनि १३१ रुपैयाँ ४८ पैसा कायम भएको थियो । बुधबारको तुलनामा बिहीबार डलरको भाउ १ रुपैयाँ ०६ पैसाले बढेको हो ।

पछिल्लो समय डलर मजबुत बन्दा अन्य मुद्राहरुमा दबाब परेको छ । विशेषगरी, अमेरिकी केन्द्रीय बैंक फेडरल रिजर्भले मूल्यवृद्धि नियन्त्रणका लागि ब्याजदरमा निरन्तर वृद्धि गरेपछि डलर मजबुत बनेको छ ।