पाँच निर्माण व्यवसायी कम्पनी कालोसूचीमा

५६७ पटक पढिएको

काठमाडौँ। विभिन्न सार्वजनिक निकायका ठेक्का अलपत्र पार्ने पाँच वटा निर्माण व्यवसायी र आपूर्तिकर्ता कम्पनीलाई सार्वजनिक खरिद अनुगमन कार्यालयले कालोसूचीमा राखेको छ । खरिद अनुगमन कार्यालयले आज एक सूचना जारी गर्दै ती कम्पनीलाई कालोसूचीमा राखिएको जनाएको हो ।

सार्वजनिक खरिद ऐन, २०६३ अनुसार यी निर्माण व्यवसायी र आपूर्तिकर्ता कम्पनीलाई कालोसूचीमा राखिएको छ ।

कालोसूची अवधिभर निम्न कम्पनीहरू सार्वजनिक निकायको कुनै पनि खरिद कार्यमा भाग लिन नपाउने गरि खरिद अनुगमन कार्यालयले सूचनामा भनेको छ ।

कालोसूचीमा परेका कम्पनीहरू:

• चितवनको  भरतपुर–४ स्थित इन्जिनियर्स कन्स्ट्रक्सन एन्ड माइन्ट क्राफ्ट प्रा.लि : एक वर्षका लागि कालोसूचीमा राखिएको
• चितवनको खैरहनी नगरपालिकाको सिफारिसमा जय गढीमाई निर्माण कन्स्ट्रक्सन प्रालि: एक वर्षका लागि कालोसूचीमा राखिएको
• मुडभरी एन्ड जोशी कन्स्ट्रक्सन प्रालि:  दुई वर्षका लागि कालोसूचीमा राखिएको
• गुण निर्माण सेवा: एक वर्षका लागि कालोसूचीमा राखिएको
• कल्पना कन्स्ट्रक्सन प्रालि : एक वर्षका लागि कालोसूचीमा राखिएको