नारी दिवसका दिन महिलाहरूले नि:शुल्क ए डिभिजन लिग हेर्न पाउने

काठमाडौँ । बुधबार (भोलि) ‘ए’ डिभिजनका खेलहरु महिलाले सित्तैमा हेर्न पाउने भएका छन् ।

मार्च ८ का दिन मनाइने अन्तर्राष्ट्रिय नारी दिवसको अवसरमा साधारण प्याराफिटतर्फ निःशुल्क रुपमा हेर्न पाउने व्यवस्था मिलाइएको हो ।

बुधबार च्यासलमा १ र दशरथ रंगशालामा २ गरी ३ खेल हुनेछन् । २ः३० बजे च्यासलमा नेपाल एपिएफ र सातदोबाटोको खेल हुनेछ ।

साथै, दशरथ रंगशालामा २ः३० मा नेपाल पुलिस क्लब विरुद्ध हिमालयन शेर्पा र साँझ ५ः३० बजे मनाङ मस्याङ्दी र संकटा क्लब बिच खेल हुनेछ ।