श्री एयरलाइन्सको जहाज उडेको १७ मिनेटमै भैरहवा फर्कियो

१७१ पटक पढिएको

काठमाडौँ । भैरहवास्थित गौतम बुद्ध विमानस्थलबाट काठमाडौँका लागि उडेको श्री एयरलाइन्सको जहाज प्राविधिक समस्या देखिएपछि भैरहवा नै फर्किएको छ ।

श्री एयरलाइन्सको एसएचए ८२२ नम्बरको ७२ सिटे विमान बिहान ९ः ४० बजे काठमाडौँका लागि उडेको थियो । तर, उडानको करिब १७ मिनेटपछि नै विमानमा केही प्राविधिक समस्या देखिए विमान ९ः ५७ बजे पुनः गौतवुद्ध विमानस्थलमा ल्यान्ड भएको हो ।

‘उडानको करिब १७ मिनेटपछि विमानमा इन्जिनियरिङ समस्या देखिएको जानकारी प्राप्त भएको छ । अहिले प्राविधिक टोलीले चेकजाँच गरिरहेको कम्पनीका प्रवक्ता अनिल मानन्धरले बताए।