७२ लाखको स्रोत देखाउन नसकेपछि अधिकृत बिरूद्ध मुद्दा दायर

१२८ पटक पढिएको

काठमाडौं । सुर्खेतका सहायक जिल्ला वन अधिकृत विष्णुकान्त मिश्रले गैर कानुुनी रुपबाट सम्पत्ति आर्जन गरेको आरोपमा मुद्दा दायर गरेको छ । उनको हैसियत र जीवन स्तरमा बेमेल देखिएपछि निजको सम्पत्ति छानबिन गरिएको अख्तियारले जनाएको छ ।

मिश्रले ७२ लाख ५२ हजार ४८० रुपैयाँ सम्पत्तिको आयस्रोत देखाउन नसकेको अख्तियारको भनाई छ । उनले २०३६ साल फागुनदेखि २०७० साल मंसिरसम्म सार्वजनिक सेवामा बिताएका थिए । यो अवधिमा उनको वैध आय ९६ लाख ६८ हजार रुपैयाँ मात्रै देखिएको अख्तियारले जनाएको छ ।

आयोगले विशेष अदालतमा दायर गरेको आरोपपत्रमा निजकी श्रीमती हिरादेवीको नाममा रहेको घरजगा समेत जफत गरी ७२ लाख रुपैयाँ भन्दाबढी रकम समेत कब्जा गर्न माग गरिएको छ ।