कार र बस ठोक्किँदा पाँच जना घाइते,तीन जनाको अवस्था गम्भीर

१९१ पटक पढिएको

तनहुँको भानु नगरपालिका–९ वडहरेमा आज दिउँसो कार र बस ठोक्किँदा पाँच जना घाइते भएका छन् ।

बेंसीसहरबाट डुम्रेतर्फ आउँदै गरेको प्र.३.१०२४ च ९८३७ नम्बरको कार र विपरीत दिशाबाट आउँदै गरेको ग१ ख४३७५ नम्बरको बस आपसमा ठोक्किएको हो।

दुर्घटनामा कार चालक ललितमान रुम्बासहित त्यसमा सवार ५ जना घाइते भएका छन् । घाइतेको एलाईभ अस्पताल भरतपुर चितवनमा उपचार भइरहेको छ । घाइतेमध्ये तीन जनाको अवस्था गम्भीर रहेको जिल्ला प्रहरी नायव उपरीक्षक मोहनबहादुर खाँणले बताए ।
घटना सम्बन्धमा थप अनुसन्धान भइरहेको जिल्ला प्रहरीले जनाएको छ ।