नवलपुरका क्रसर उद्योग बन्द

१८७ पटक पढिएको

नारायण शर्मा, कावासोती । सरकारले क्रसर उद्योगको नवीकरण नगरेपछि यहाँका व्यवसायीले जिल्लाभरका क्रसर उद्योग आइतबारबाट बन्द गरेका छन् ।

असार १५ गते भित्र नवीकरण नगरिदिएको बताउँदै व्यवसायीले सबै क्रसर उद्योग र बालुवा प्रशोधन केन्द्र बन्द गरेर बिक्री वितरण ठप्प पारेका छन् ।

नेपाल रोडा ढुंगा व्यवसायी संघ पूर्वी नवलपरासीका उपाध्यक्ष रिभरकुमार श्रेष्ठले क्रसर उद्योग खोल्न दिने र नवीकरण नगर्ने सरकारको रबैयाले व्यवसायी मारमा परेका बताए ।

“खोल्न दिनु भनेको राजश्व तिरेर नवीकरण पनि गर्नु हो उनले भने “तर सरकारले नवीकरण गर्न नदिएका कारण उद्योग व्यवसाय बन्द गरेर विरोध जनाइएको हो । क्रसर उद्योग बन्द हुँदा यहाँको निर्माण कार्य प्रभावित भएको छ । नवलपुरमा क्रसर उद्योग र बालुवा प्रशोधन केन्द्र समेत गरेर ३ दर्जन उद्योग छन् ।