पुम्दीकोट जाँदै गरेको माइक्रोबस दुर्घटना, ३५ घाइते ७ को अवस्था गम्भीर

१०५ पटक पढिएको

पोखरा । पोखराको छोरेपाटनबाट स्तुपाहुँदै पुम्दीकोट जाँदै गरेको माइक्रो बस दुर्घटना हुँदा ३५ जनाभन्दा बढी घाइते भएका छन् ।पुम्दीकोटतर्फ जाँदै गरेको ग १ ख ८५८५ नं को माइक्रो बस उक्त सडक खण्डको घैयाखेत भन्ने स्थानमा दुर्घटना भएको कास्की प्रहरीका प्रवक्ता श्रवणकुमार विकले जानकारी दिए ।

घाइतेमध्ये ७ जनाको अवस्था गम्भीर रहेको छ। बस दुर्घटना हुनासाथ सुरक्षाकर्मी एवं स्थानीयवासीको सहयोगमा घाइतेको तत्काल उद्दार गरी पश्चिमाञ्चल क्षेत्रीय अस्पताल पठाइसकिएको उहाँले जानकारी दिनुभयो । उनका अनुसार दुर्घटनाको कारणबारे अनुसन्धान थालिएको छ ।