नवलपरासीका राज अधिकारी ‘इन्टरनेसनल इयर अफ मिलेट्स’ फोटो प्रतियोगितामा दोस्रो

१०२ पटक पढिएको

संयुक्त राष्ट्र खाद्य र कृषि संगठनले आयोजना गरेको ‘इन्टरनेसनल इयर अफ मिलेट्स’ फोटो प्रतियोगितामा नवलपरासीका राज अधिकारीले खिचेको तस्बीर दोस्रो स्थान हासिल गरेको छ।

‘इयर अफ मिलेट्स’ मा नवलपरासी बर्दघाट -४ का २५ वर्षीया अधिकारीले खिचेको तस्बिरले दोस्रो स्थान हात पार्न सफल भएको हो। उक्त प्रतियोगिता भने दक्षिण अफ्रिकाका फोटोग्राफर जोनाथन रिजले जितेका छन्।

प्रतियोगितामा ५८ देशका झन्डै ८००  फोटोग्राफर सहभागी थिए। जसमा कोदो संरक्षणमा महिलाको भूमिकाबारे खिचिएको तस्बिर दोस्रो स्थानमा पर्न सफल भएको हो।

सांस्कृतिक र पौष्टिक महत्वको नगदे बाली कोदो नेपाली ग्रामीण परिवेशमा अभिन्न अंग बनेको र कोदो संरक्षणमा महिलाको ठूलो भूमिका रहेको फोटोग्राफर अधिकारीले फोटो क्याप्सनमार्फत् बताएका छन्।

फोटोग्राफर अधिकारी विगत पाँच वर्षदेखि प्रकृति तथा संस्कृति संरक्षणमा काम गरिरहेका छन्।