राइनो कप: संकटालाई पराजित गर्दै अठ्ठाइस बिगाह कावासोती सेमीफाइनलमा

९९ पटक पढिएको

नारायण शर्मा,नवलपुर। कोल्हुवामा जारी राइनो कप फुटवल अन्तरगत शनिवारको खेलमा संकटा फुटवल क्लबलाइ १ का बिरुद्ध २ गोलले पराजित गर्दै अठठाइस बिगाह क्लब कावासोती सेमिफाइनलमा प्रबेश गरेको छ ।

खेलको नवौं र ३२ मिनेटमा जर्सी नम्बर ७७ का खेलाडि समिर तामांगले २ गोल गरेर अठठाइस बिगाह क्लब सेमी फाइनलमा प्रबेश गरेको हो । संकटाका तर्फवाट खेलको ४५ औ मिनेटमा जर्सी नम्बर ८ का खेलाडि गणेश हमालले एक गोल फर्काए ।

शनिवारको खेलमा एक्लै २ गोह हान्ने समिर तामांग म्यान अफ द म्याच घोषित भए ।

आइतवार पहिलो सेमिफाइनल खेल गण्डकी प्रदेश र नेपाल पुलिस क्लब बिच सामना हुने छ ।

आयोजक क्लबका अध्यक्ष दोमन भण्डारीले राइनो कपको बिजेताले ८ लाख नगद र द्धितिय टिमले ४ लाख नगद पुरस्कार पाउने जानकारी दिए ।

एक सिंगे गैडा जोगाउने नाराका साथ शुरु भएको राइनो कप २०६ं२ सालदेखि संचालन हुदै आएको छ ।