गैंडाकोटमा एमाले वडा सभापती गौतमसहित २०० बढी रास्वपा प्रवेश

२१९ पटक पढिएको

भदौ १५ – नवलपुरको गैंडाकोटमा नेकपा एमालेका वडा सभापती सहित २०० जनाभन्दा बढि रास्वपा प्रवेश गरेका छन्।

राष्ट्रिय स्वतन्त्र पार्टी गैंडाकोट वडा १३ ले शनिवार गैंडाकोटमा शुभकामना आदानप्रदान तथा संगठन विस्तार कार्यक्रममा सम्पन्न गरेको छ।

गैंडाकोट नगरपालिका वडा नं. १३ मा शनिवार आयोजित कार्यक्रममा विभिन्न पार्टी परित्याग गरी करिब २१० जना राष्ट्रिय स्वतन्त्र पार्टीमा प्रवेश गरेका छन्।

गैंडाकोट १३ मा एमालेबाट निर्वाचित वडा सदस्य ऋषिराम गौतम लगायत ठूलो संख्यामा रास्वपा पार्टी प्रवेश गरेका हुन्। गौतमले गत ५ गते गैंडाकोट १३ का नेकपा एमाले जिल्ला कमिटि सदस्य तथा इन्चार्ज पदमलाल पौडेललाई राजिनामा पत्र बुझाएका थिए।

गौतम वडा नं. १३ का नेकपा एमाले वडा सभापती पनि रहेका थिए। शनिवार उनीसँगै करिब २१० जना व्यक्तिहरु वडा नं. १३ बाट बिभिन्न पार्टी परित्याग गरि रास्वपा प्रवेश गरेका छन्।

शनिवार रास्वपाका प्रवक्ता मनिष झा उपस्थित उक्त कार्यक्रममा गौतम लगायतलाई प्रवक्ता झाले पार्टीमा प्रवेश गराउनुभएको हो। झा ले  रास्वपा सुशासन र राजनैतिक अनुशासनका लागि आएको समेत बताए।