इम्बोस्ड प्लेट नम्बर जडान गर्न कति लाग्छ शुल्क ?

१६६ पटक पढिएको

काठमाडौँ । यातायात व्यवस्था विभागले असोज १ गतेदेखि अनिवार्य रूपमा इम्बोस्ड नम्बर जडान गर्न सवारी धनीलाई निर्देशन दिइएको छ ।

मंगलबार विभागले एक सूचना जारी गर्दै  प्रदेश सरकार मातहतका सबै यातायात व्यवस्था कार्यालयहरूमा सवारी दर्ता, नामसारी र नवीकरण गर्दा सवारी धनीलाई निर्देशन दिइएको हो ।

नेपालमा इम्बोस्ड प्लेट नम्बर जडान शुल्क कति छ ?

नेपालमा यसको जडान शुल्क २ हजार ५ सय रुपैयाँबाट सुरु हुन्छ । यातायात व्यवस्था विभागबाट दुई पांग्रेका लागि प्लेट जडान गरेको २ हजार ५ सय रुपैयाँ लाग्छ ।

यस्तै तीन पांग्रेका लागि २ हजार ९ सय, हलुका चार पांग्रे सवारीका लागि ३ हजार २ सय तथा मालवाहकका लागि ३ हजार ६ सय रुपैयाँ लाग्ने व्यवस्था गरिएको छ ।