गैंडाकोट स्थित नारायणी नदिमा भेटिएका दुईवटै शवको शनाखत

५३३ पटक पढिएको

असार ३० । गैंडाकोट ७  गैरी नवलपुर स्थित नारायणी नदीको बिच भागको टापुमा फेला परेको दुई वटा शव मध्ये थप एकजनाको पहिचान खुलेको छ।

नारायणी नदीमा भेटिएको अर्को शव चितवन माडी नगरपालिका १ बस्ने बर्ष २२ को बिकाश परियारको सनाखत भएको हो।

बिरगञ्जबाट काठमाण्डौ तर्फ गई रहेको एन्जल लेखेको बागमती प्रदेश ०३-००६ख १५१६ नं. बसमा सवार रहेको भनी मृतकको दाई बिजय परियारले उक्त शवलाई सनाखत गरेको र शव भरतपुर अस्पतालको शव गृहमा रहेको जिल्ला प्रहरी कार्यालयका प्रहरी नायब उपरीक्षक भेषराज रिजालले बताउनुभयो। शवको पोष्टमार्टम हुन बाँकी छ।

चितवनको भरतपुर महानगरपालिका–२९ स्थित सिमलतालबाट शुक्रबार बिहान ३:३० मा त्रिशूलीमा दुई वटा डिलक्स बस खसेका थिए।

शनिबार बेपत्ता यात्रीमध्ये तीनजनाको शव भेटिएको छ । मृतवस्थामा तीनवटा शव भेटिएकोमा तीनै जनाको पहिचान खुलेको छ ।

पहिचान खुल्नेमा सर्लाही बरहथवा नगरपालिका–३ का १९ वर्षीय रमितकुशर माझी र भारतको बिहार सीतामणी बर्गिनिया जमुहवाका २८ वर्षीय ऋषि पल साह रहेका छन् ।