चितवनका अधिकारी गैंडाकोट स्थित नारायणी नदी किनारमा मृत फेला

१७९ पटक पढिएको

गैंडाकोट,कात्तिक २१- नवलपुरको गैंडाकोट नगरपालिका वडा नं ६ बोटेटोल स्थित नारायणी नदीको किनारमा एक पुरूषको शब फेला परेको छ।

बिहान करिब १०:२० बजेको समयमा गैंडाकोट ६ बोटेटोल स्थित निलो जिन्सको पाईन्ट र सेतो सर्ट लगाएको पुरूषको शव उत्तानो परेको अवस्थामा भेटी स्थानीयले प्रहरीलाई खबर गरेका थिए।

मृतक चितवन भरतपुर महानगरपालिका वडा नं. ७ उज्वल टोल बस्ने बर्ष ५० का दधिराम अधिकारी रहेको भनि निजको श्रीमती शान्ति अधिकारीले सनाखत गरेको जिल्ला प्रहरी कार्यालय नवलपुरका सूचना अधिकारी जेशी शाहले जानकारी दिनुभयो।

उनी गत १८ गते दिउसो ३ बजे घरबाट आफुखुशी हिडेको मृतक अधिकारीकी श्रीमती शान्ति अधिकारीले प्रहरीलाई जानकारी दिइन्।

शवको प्रारम्भिक अनुसन्धान पश्चात पोष्टमार्टमका लागि सरकारी अस्पताल भरतपुर चितवन पठाईको र अन्य अनुसन्धान कार्य भईरहेको प्रहरीले बताएको छ।