मानवअधिकार एलाइन्स नवलपुरको अध्यक्षमा दिपक शर्मा

कावासोती । राष्ट्रिय मानवअधिकार तथा सामाजिक न्याय मञ्च, मानवअधिकार एलाइन्स नवलपुरको नयाँ समिति दिपक सर्माको अध्यक्षतामा चयन भएको छ ।

एलाइन्सको कावासोती तीन स्थित सिद्धार्थ आवासीय माविमा बिहीबार भएको तेस्रो जिल्ला अधिवेशनबाट सर्माको नेतृत्वमा नयाँ समिति चयन भएको हो ।

समितिको उपाध्यक्षमा श्याम सुन्दर लामिछाने । सचिवमा बुद्धि सागर पोख्रेल कोषाध्यक्षमा राम प्रसाद भट्टराई र सह सचिवमा मिना अधिकारी चयन हुनुभएको छ । यसै गरी सदस्यहरूमा होम कुमारी पोख्रेल , तुलसीदेवी खनाल , ईश्वर बहादुर एमसी , सुजाता सिख्राकार , शकुन्तला न्यौपाने तिवारी ,माया ढकाल चयन हुनुभएको छ ।

अधिवेशनको उद्घाटन सत्रमा राष्ट्रिय मानवअधिकार तथा सामाजिक न्याय मञ्च, मानवअधिकार एलाइन्स नेपालका केन्द्रीय उपमहासचिव तिलोत्तम पौडेलको प्रमुख आतिथ्यतामा भएको थियो । कार्यक्रममा सम्बोधन गर्दै प्रमुख अतिथि पौडेलले नयाँ र युवा पुस्तालाई यस संस्थामा आबद्ध गर्दै गर्दै उनीहरुको क्षमता विकासमा काम गर्न जरुरी रहेको बताउनुभयो ।

यस संस्था सामाजिक न्यायको क्षेत्रमा काम गर्ने संस्था भएको हुँदा दूर दराजका क्षेत्रमा न्याय नपाइरहेका समुदाय तथा नागरिकहरू समक्ष पुगेर यस संस्थाले काम गर्ने गरेको बताउनुभयो । यस संस्थामा चुनौती सँगै काम गर्न अवसर समेत पाइने हुँदा संस्थामा आबद्ध भएपछि सक्रिय रूपमा काम गर्न उहाँले सुझाव समेत दिनुभयो ।

यसै गरी कार्यक्रममा बोल्दै नेकपा एमाले जिल्ला कमिटी अध्यक्ष जीवन श्रेष्ठले मानव अधिकारी भनेको फराकिलो ठुलो घेराको अधिकारहरू समेटिएका हुँदा मानवअधिकार एलाइन्सको छुट्टै महत्त्व रहेकोमा जोड दिनुभयो । कसैको मानव अधिकार हनन नहुने गरी सम्बन्धित निकायलाई घचघच्याइने गरी काम गर्न सुझाव दिनुभयो ।

सबैको मानव अधिकारको ज्ञारेन्टी गर्न सबैसँग हातेमालो गरेर काम गर्ने गरी नयाँ कमिटी बन्नेछ भन्ने शुभकामना व्यक्त गर्नुभएको थियो । मानव अधिकार संरक्षण एवं पवद्र्धनमा एलाइन्सले विगतमा नेतृत्वदायी भूमिका खेलेको उल्लेख गर्दै आगामी दिनमा पनि त्यसलाई निरन्तरता दिन समेत श्रेष्ठले सुझाव दिनुभयो ।