चितवनमा खुर्पा प्रहारबाट घाइते छोरी र भतिजको मृत्यु

१६० पटक पढिएको

काठमाडौँ । चितवनमा खुर्पा प्रहारबाट घाइते छोरी र भतिजको मृत्यु भएको छ।

भरतपुर महानगरपालिका–२५ स्थित किसान चोकमा बस्दै आएका ४२ वर्षीय लीला गिरीले धारिलो हतियार प्रहार गरेर दाजुको छोरा र आफ्नी छोरीको हत्या गरेका हुन् ।

आक्रमणबाट गम्भीर घाइते भएका सजन गिरीको बिहान १०:३६ र प्रभा गिरीको १०:५८ मा मृत्यु भएको जिल्ला प्रहरी कार्यालय चितवनका डीएसपी रवीन्द्र खनालले बताए । चितवन मेडिकल कलेजमा उपचारको क्रममा उनीहरूको मृत्यु भएको हो ।

गिरीले ५ वर्ष र १३ वर्षका छोराछोरीलाई धारिलो हतियार प्रहार गरेपछि आत्महत्या प्रयास गरेका छन् । उनले धारिलो हतियारले आफ्नै घाँटी रेटेका हुन् । उनको अहिले उपचार हुँदैछ । चितवनका एसपी गोविन्द पुरी चितवन मेडिकल कलेजमा पुगेको छन् ।