कावासोती नगरपालिकाले भन्यो ७ दिनभित्र होर्डिङ्ग बोर्ड हटाउनू

१९९ पटक पढिएको

गैंडाकोट- कावासोती नगरपालिकाले राजमार्गको बिच तथा चोक चोकमा रहेका अव्यवस्थित होर्डिङ्ग बोर्डहरू हटाउन ७ दिने सूचना जारि गरेको छ।

राजमार्गको चोक चोक र सडकका किनाराहरुमा रहेका अव्यवस्थित बोर्डहरु ७ दिनभित्र हटाउन भन्दै हिजो पालिकाले सूचना जारि गरेको हो।

नवलपुर अनलाइनले केहि दिन अगाडि कावासोती बजार क्षेत्रका राजमार्गको बिच भागमा अव्यवस्थित रुपमा राखिएका होर्डिङ्ग बोर्डहरूको तस्बिरहरु सामाजिक संजालमा पोष्ट गरेको थियो।

जनस्तरबाट बिरोध आएपछि कार्यालय प्रमुखसँग नवलपुर अनलाइनले मंगलबार होर्डिङ्ग बोर्ड व्यवस्थापन तत्कालै गर्न र सूचना जारि गर्न समेत आग्रह गरेको थियो। यसलाई  तत्काल पालिकाले व्यवस्थापन गर्ने कार्यालय प्रमुख लिलाराज पौडेलले बचन दिए बमोजिम सोहि दिनै सूचना जारि भएको छ।