गैंडाकोटमा ट्राफिक नियम सम्बन्धी सचेतना कार्यक्रम सम्पन्न

१३३ पटक पढिएको

गैंडाकोट- सडक अनुशासन तथा सडक दुर्घटना न्यूनिकरणका लागि गण्डकी प्रदेश स्तरीय ट्राफिक सप्ताह कार्यक्रम चलिरहेको छ।

सप्ताहव्यापी कार्यक्रमको दोस्रो दिन आज गैंडाकोटमा कार्यक्रम सम्पन्न भएको प्रहरी सहायक निरीक्षक प्रकाश अधिकारीले जानकारी दिनुभयो।

आज बिहान ०९:४५ बजे देखी १०:१५ बजे सम्म नवलपुरको गैडाकोट नगरपालिकाको काँग्रेसचोकमा सडक पार गर्दा कसरी गर्ने र पैदल यात्रा गर्दा सडकको कुन साईडबाट यात्रा गर्दा सुरक्षित रहन सकिन्छ भन्ने बिषय लगायत ट्राफिक नियम सम्बन्धि प्रशिक्षण प्रदान गरी व्यवहारीक अभ्यास गराइएको अधिकारीले बताउनुभयो।

जनक माध्यमिक बिद्यालयमा अध्ययनरत बिद्यार्थीहरु, शिक्षक शिक्षिका र स्थानिय मानिसहरुलाई कांग्रेस चोक पुर्व पश्चिम राजमार्गमा सडक स्तर उन्नतिको कार्य भईरहेको सडकमा ट्राफिक संकेत चिन्ह, जेब्रा क्रसिङ नभएकोले सो चोकबाट सडक वारपार गर्दा पैदलयात्रु समेतलाई जोखिम रहेको महसुस गराउंदै उक्त अभ्यास गराईएको थियो।