२०८२ कार्तिक १६, आईतबार
नगर सभाहलमा आज आयोजित नीति तथा कार्यक्रम र बजेटको सम्बन्धमा रायसुझाव संकलन कार्यक्रममा प्राप्त सुझावहरु संकलन गर्दै उहाँले नागरिकहरुबाट प्राप्त सुझाव र नगरको आवश्यकता अनुसार नगरले तय गरेको लक्ष्य प्राप्ती गर्नेगरी नीति तथा कार्यक्रम र बजेट निर्माण हुने बताउनु भयोे । स्थानीय तहमा निर्वाचित भएदेखि नै नागरिकहरुको सुझावलाई ग्रहण गर्नेगरी नियमित रुपमा सार्वजनिक सुनुवाई, सुझाव संकलन लगायतको कार्यक्रम सञ्चालन गर्दै आएको उहाँले बताउनुभयो ।
कार्यक्रममा सहभागी भएका तथा विभिन्न माध्यमबाट प्राप्त भएका रायसुझावलाई आगामी वर्षको नीति तथा कार्यक्रम र बजेटको लागि मार्गदर्शनको रुपमा उपयोग गर्ने उहाँले प्रतिबद्धता जनाउनु भयो । उहाँले पूर्वाधार विकासलाई मात्रै विकासको आधार मान्ने मानसिकताबाट माथि बढेर शिक्षा, स्वास्थ्य, सामाजिक विकासको क्षेत्रलाई प्राथमिकतामा राखेर काम गरिरहेको उहाँले बताउनुभयो । गरिव तथा विपन्न परिवारको आयआर्जन र उनिहरुको लागि जीवन उपयोगि शिक्षा मार्फत जीवन स्तर सुधारको योजना सहित नगरपालिका अगाडी बढेको उहाँले बताउनुभयो ।
कार्यक्रममा नवलपुर क्षेत्र नं. २ का पूर्व सांसद तिलक महतले मध्यविन्दु नगरपालिकाले गरेका कामहरुले प्रशंसा देश व्यापि भईरहेको भन्दै स्थानीय सरकारको रुपमा जनताको जनजीविकासंग जोडिएका कामहरु गर्नु नै सफलता हुने बताउनुभयो । उहाँले विगतको अवस्थाबाट हालको अवस्थामा आईपुग्दा भएका राजनीतिक परिवर्तको जगमा स्थापित स्थानीय सरकारले जनताको अपेक्षाहरुको सम्बोधन गर्दै कामहरु गर्नुपर्नेमा जोड दिनुभयो ।
उहाँले मध्यविन्दु नगरपालिकाले शिक्षा, स्वास्थ्यको क्षेत्रमा गरिरहेका जनमुखी कार्यक्रम उदाहरणीय भएको भन्दै अन्य स्थानीय तहले पनि ग्रहण गर्नुपर्नेमा जोड दिनुभयो ।
कार्यक्रममा सहभागीहरुले मध्यविन्दु नगरपालिकाले विगतका वर्षहरुमा हाम्रो खुसी, ज्येष्ठ नागरिक स्वास्थ्य सेवा कार्यक्रम, निर्माणधिन नगर अस्पताल, फोहरमैला व्यवस्थापन, सुकुम्बासी समस्या समाधान लगायतको विषयमा गरेको कार्यहरुको प्रशंसा गर्दै आगामी वर्षमा समेट्नु पर्ने कार्यक्रमहरुको बारेमा सुझाव व्यक्त गरेका थिए ।
निशुल्क शिक्षाको कार्यान्वयन, फोहरमैला व्यवस्थापन शुल्क समायोजन, नारायणी नदी तटबन्धन, पर्यटकीय क्षेत्रको पूर्वाधार विकास, रोजगारीको सृजना, कृषि उत्पादनमा अनुदान, युवाहरुको वैदेशिक पलायनको राकथाम गर्ने लगायतको विषयमा सुझाव व्यक्त गरेका थिए ।
नगरपालिकाले चालु आ.व.को हाल सम्मको सार्वजनिक सुनुवाईसंगै आगामी आ.व.को लागि नीति तथा कार्यक्रम र बजेटको सम्बन्धमा सुझाव संकलन गरेको हो ।
कार्यक्रममा प्रमुख प्रशासकीय अधिकृत विपिन क्षेत्रीले चालु आ.व.को हालसम्म भएका गतिविििधहरुको समग्र जानकारी सहित प्रगति समिक्षा गर्नु भएको थियो । उहाँले मध्यविन्दु नगरपालिकाले यस आ.व.मा सरसफाई प्रवद्र्धन केन्द्रको उद्घाटन, खुसी पाठ्यक्रमको कार्यान्वयन लगायतको क्षेत्रमा गरेका कामहरु नगर गैरवको रुपमा चित्रण गर्नु भएको थियो ।
कार्यक्रममा नगर उपप्रमुख पूर्णकला चौधरीले नगरको समग्र विकासका लागि जनताको अपेक्षा र सुझाव संकलन गर्दै आगाडी बढेको बताउनुभयो। उहाँले नगरको बिकासका लागि राजनितिक आस्थासंग नजोडी सबै राजनीतिक दल, संघसंस्था एकबद्ध भएर अगाडी बढ्नु पर्ने बताउनु भएको थियो ।
ग्लोरियस मिडिया प्राइभेट लिमिटेड द्धारा संचालित
नवलपुर अनलाइन डट कम का लागि
कम्पनि दर्ता नं. ३०१९९५/०७९/०८०
सुचना तथा प्रसारण द.प्र.नं. ३७६५-२०७९/८०
प्रेस काउन्सिल सु.प्र.नं. ३७५४
गैंडाकोट, नवलपुर
९८४११८१७२६
संचालक: प्रकाश भण्डारी
सम्पादक: अनिता गैरे
