चितवन टाइगर रिसोर्टमा सेकुवा पोल्ने क्रममा आगलागी, ५ जना घाइते

५४९ पटक पढिएको

देवचुली । नवलपुरको देवचुली नगरपालिका–१७, पिप्रहरस्थित चितवन टाइगर रिसोर्टमा आगलागी हुँदा पाँच जना घाइते भएका छन्।

शुक्रबार राति रिसोर्टमा सेकुवा पोल्ने क्रममा कोइला उछिट्टिएर एक्कासी आगो सल्किएको थियो। आगोले रिसोर्टमा बसेका पाँच जनाको शरीरका विभिन्न भाग जलेको जिल्ला प्रहरी कार्यालय नवलपुरले जनाएको छ।

आगलागीबाट  कावासोती नगरपालिका–८,का ४४ बर्षीय प्रदिप कुमार भट्टराई , ४१ बर्षीय मिना पाैडेल , ६ बर्षीया बालिका अन्नी भट्टराई,  २६ बर्षीय आशिष् राना  र २४ बर्षीय अनुप गुरुङ  घाईते भएकाे सुचना अधिकारी मधु नेपालले बताए ।

घाईतेहरूकाे अनुहार तथा शरीरका विभिन्न भागमा जलेको प्रहरीले बताएकाे छ ।

प्रहरीका अनुसार आगलागीको थप अनुसन्धान जारी छ। घटनास्थलमा तत्काल उद्धार गरी घाइतेहरूलाई भरतपुर  अस्पताल लगिएकाे  थप उपचारकाे लागि काठमाडौं रिफर गरिएकाे प्रहरीले जनाएकाे छ ।

प्रहरीले रिसोर्टहरूमा प्रयोग हुने चुलो तथा ज्वलनशील पदार्थहरूको प्रयोगमा विशेष सावधानी अपनाउन सबैलाई आग्रह समेत गरेको छ।