चितवनमा इभी भ्यानको ठक्करबाट साइकलमा सवार दुईजना घाइते

१९२ पटक पढिएको

असार ८- चितवनमा इभी भ्यानको ठक्करबाट साइकलमा सवार दुईजना घाइते भएका छन्।

हिजो दिउसो करिब ४ बजे चितवनको राप्ति नगरपालिका ६ हर्दी स्थित पूर्वपश्चिम राजमार्गमा इभी भ्यानले साइकललाई ठक्कर दिएको थियो।

नारायणघाट बाट लोथर तर्फ जाँदै गरेको बा.प्र. ०३ ००१ ज ०८७३ नम्बरको EV VAN ले सडक क्रस गर्न लागेको साइकललाई ठक्कर दिँदा साइकल यात्री राप्ती नगरपालिका ५ बस्ने वर्ष अं. ५० को शुक्रम दराई र साइकल पछाडि सवार राप्ती ४ बस्ने वर्ष अं. ४० कि कमला कुमाल घाइते भएको जिल्ला प्रहरी कार्यालय चितवनले जानकारी दिएको छ।

उनीहरुको टाउको तथा अनुहारमा चोट लागेकोले उपचारका लागि भण्डारा अस्पताल पठाईएको छ।

साइकल, VAN, भ्यान चालक चितवनको ठोरी बस्ने वर्ष अं. ३२ को अमन लामालाई नियन्त्रणमा लिईएको प्रहरीले बताएको छ।