घरायसी झगडापछि चितवनमा श्रीमान श्रीमतीले भिरबाट हामफाले, श्रीमतीको मृत्यु

चितवनको राप्ती नगरपालिका ४ चौकी डाँडा घर भएका श्रीमान श्रीमतीले घरमा झैझगडा भएपछि मर्छु भन्दै खहरे खोलाको भिरबाट सँगसँगै हाम फालेको जिल्ला प्रहरी कार्यालय चितवनले जानकारी दिएको छ।

असार १० गते अन्दाजी १२:०० बजेको समयमा चितवनको राप्ती  ४ चौकी डाँडा -४ बस्ने अन्दाजी वर्ष ४७ को लीला बहादुर प्रजा र उनको श्रीमती वर्ष ४२ की कुमारी प्रजा घरमा श्रीमानसँग झगडा गरी मर्छु भनी घरबाट श्रीमान/श्रीमती सँगै गई खहरे खोलाको भिरबाट सँगै हामफालेका थिए।

निज श्रीमती कुमारी प्रजाको घटनास्थलमै मृत्यु भएको र श्रीमान लीलाबहादुर प्रजाको बायाँ कानबाट रगत बगेको र कुँममा चोट लागी गम्भीर घाइते भई इलाका प्रहरी कार्यालय भण्डाराको प्रहरीको टोलीले निज घाइतेलाई उपचारको लागि भरतपुर सरकारी अस्पतालमा पठाएको थियो। उनको उपचार जारि रहेको प्रहरीले जानकारी दिएको छ।