विजय सामुदायिक शिक्षा सदनका सफल चापागाईँले ल्याए ३.९५ जीपिए

९१८ पटक पढिएको

गैंडाकोट- नवलपुरको गैंडाकोट ५ स्थित विजय समुदायिक शिक्षा सदनका विद्यार्थी सफल चापागाँईले २०८१ को एसइई परिक्षामा विद्यालयकै सर्वोत्कृष्ट अङ्क ३.९५ जीपिए ल्याएका छन्।

विद्यालयबाट परिक्षामा सहभागी विद्यार्थीमध्ये ३.६ देखि ४ जीपिएसम्म ल्याउने १४ जना रहेका छन्। ३.२ देखि ३.६ जीपिएसम्म ल्याउने १२ जना रहेको विद्यालयका प्रिन्सिपल चक्रधर पौडेलले बताउनुभयो।

२.८ देखि ३.२ जीपिएसम्म ल्याउने १३ जना रहेका छन्। २.४ देखि २.८ जीपिएसम्म ल्याउने ७ जना रहेका छन् भने ननग्रेड ल्याउने विद्यार्थीको संख्या ५ रहेको पौडेलले जानकारी दिनुभयो।

२०८१ को एसइई परिक्षामा सहभागी ५१ जना विद्यार्थीमध्ये ४६ जना विद्यार्थी उत्तीर्ण भएका छन्।