विनयी खोलाको डाइभर्सन बगाएपछि नारायणगढ-बुटवल सडक बन्द

असार १५- नवलपुरको बिनयी त्रिवेणी गाउँपालिका स्थित विनयी खोलाको डाइभर्सन बगाएपछि नारायणगढ-बुटवल सडक अवरुद्ध भएको छ।

दुम्किबासको विनयी खोलामा डाइभर्सन बगाएपछि वैकल्पिक मार्गको रुपमा सञ्चालन गरिएको बिनयी त्रिवेणी ३ स्थित खरङ्गे खोलामा बर्षातको कारण पानीको बहाव बढ्न गई सडक अवरुद्ध भएको हो जिल्ला प्रहरी कार्यालय नवलपुरले बताएको छ।

खोलामा पानीको बहाब बढेपछि खरङ्गे खोलाबाट सवारीसाधनहरु चल्न सकेका छैनन्। पूर्वपश्चिम राजमार्गको नारायणगढ बुटवल सडक खण्ड पछिल्लो १५ दिन यता राम्ररी सञ्चालनमा आउन सकेको छैन ।