संस्थागत विद्यालयतर्फ गैंडाकोट नमुना माविबाट एसइई दिएका विद्यार्थी सबैभन्दा धेरै फेल

२६७७ पटक पढिएको

गैंडाकोट- नवलपुरको गैंडाकोट २ कालिगण्डकी करिडोरमा रहेको गैंडाकोट नमुना माविबाट २०८१ को एसइई परिक्षा दिएका ११ विद्यार्थी फेल भएका छन्।

२०८१ को एसइई परिक्षामा सामेल भएका ५६ जना विद्यार्थीमा ४५ जना पास भएका छन्। जसमध्ये ११ जना ननग्रेड (एनजी) अर्थात फेल भएका छन्।

विद्यालयको तर्फबाट सबैभन्दा धेरै अङ्क शिवानी पोख्रेलले ३.८७ जीपिए ल्याएकी छन्। त्यस्तै दोस्रोमा ३.८१ जीपिए सहित एन्जल थापा रहेकी छन्। उच्चतम अङ्क ल्याउने दुवैजना छात्रा रहेका छन्।

न्यूनतम २.८७ जीपिए देखि ३.८७ जीपिए ल्याउने विद्यार्थीको संख्या ४५ रहेको छ। गैंडाकोटमा संचालित १३ संस्थागत विद्यालयतर्फ सबैभन्दा धेरै विद्यार्थी फेल हुने गैंडाकोट नमुना मावि नै नगरभित्रकै पहिलो हो।