चितवनमा तेल ट्याङ्करको ठक्करबाट मोटरसाइकलमा सवार १ जनाको मृत्यु, एक गम्भीर घाइते

आज साँझ करिब ४:४० बजेको समयमा चितवनको भरतपुर म.न.पा.२९ चौधकिलो मुग्लिङ नारायणगढ सडक खण्डमा नारायणगढ बाट मुग्लिङ तर्फ जाँदै गरेको प्रदेश २-०३-००१ ख १३६६ नम्बरको तेल ट्याङ्करले विपरीत दिशाबाट आउँदै गरेको बागमती प्रदेश ०३-००२ प ३८२९ नम्बरको मो.सा. लाई ठक्कर दिएको थियो।

मोटरसाइकलमा सवार दुईजना घाइते भई उपचारको लागि भरतपुर तर्फ पठाइएकोमा एकजनाको मृत्यु भएको छ भने मोटरसाइकलमै सवार एकजना गम्भीर घाइते भएका छन्।

मृत्यु हुनेमा भरतपुर ११ बस्ने बर्ष ३३ को सागर कुमाल रहेका छन्। गम्भीर घाइते हुनेमा भरतपुर १४ घर भई क्षेत्रपुर बस्ने कबिराज बिश्वकर्मा रहेको र उनको पुरानो मेडिकल कलेजमा उपचार भैरहेको प्रहरीले बताएको छ। उनको अवस्था हालसम्म गम्भीर रहेको छ।

ट्याङकर चालक जिल्ला तनहुँ बन्दीपुर गा.पा.१ बस्ने ३५ को प्रेम बहादुर थापा मगर जिल्ला प्रहरी कार्यालय चितवनको नियन्त्रणमा रहेका छन्।