पाल्पाको भुतखोला र तिनाउ ड्याममा डुबेर १० बर्षमा ११८ जनाको मृत्यु

६२ पटक पढिएको

पाल्पा  – पाल्पाको भुतखोला र तिनाउको ड्याम साइटमा पौडी खेल्न जाने र खोलाको तस्बिर लिनेहरू लडेर ज्यान गुमाउनेको तथ्याङ्क

डर लाग्दो रहेको पाइएको छ ।

यस क्षेत्र पर्यटकका लागि आकर्षण स्थल भए पनि त्यसको उचित सुरक्षा प्रबन्ध नहुँदा धेरैले ज्यान गुमाउनु परेको हो ।

उक्त खोलामा आन्तरिक तथा बाह्य पर्यटक बढी जाने गरेका भन्दै सुरक्षाको उचित प्रबन्ध नहुँदा दुर्घटना हुने गरेको स्थानीय बताउँछन् । जिल्ला प्रहरी कार्यालय पाल्पाका अनुसार आर्थिक वर्ष २०७१-७२ देखि आर्थिक वर्ष ८१-८२ सम्म भुतखोला र तिनाउको ड्याम साइटमा डुबेर १० वर्षको अवधीमा ११८ जनाले ज्यान गुमाएका छन् ।

सूचना अधिकारी एवं प्रहरी नायब निरीक्षक सुनिल मल्लका अनुसार आर्थिक वर्ष २०७१्७२ मा १० जना, २०७२्७३ मा ८ जना, २०७३्७४ मा १० जना, २०७४्७५ मा  ६ जना, २०७५्७६ मा १५ जनाको मृत्यु भएको छ ।

यस्तै आर्थिक वर्ष २०७६्७७ मा ३ जना, ७७्७८ मा ६  जना, ७८्७९ मा १४ जना, ७९्८० मा १९ जना, ८०् ८१ मा जना १४ र ८१्८२ मा ४ जनाको मृत्यु भएको छ ।

सो ठाउँमा एक दुई घण्टाको अन्तरमा खतराको साइरन बजाउने तथा सिसिटिभीको माध्यमबाट मोनिटरिङ्ग गर्ने व्यवस्था गरेमा दुर्घटना कम हुने अपेक्षा सरोकारवालले गरेका छन् ।