नेपालका रविन्द्रलाई म्याट्रिक्स फाइट नाइट उपाधि

४९ पटक पढिएको

काठमाडौँ, साउन १८ गते । नेपालका रविन्द्र ढाँटले म्याट्रिक्स फाइट नाइट १७ (एमएफएन) बान्टमवेट च्याम्पियनसिपको उपाधि जितेका छन् ।

भारतमा शनिबार भएको फाइनलमा रविन्द्रले भारतीय फाइटर चुनरेङ कोरेनलाई हराएका हुन् । यससँगै रविन्द्र एमएफएन च्याम्पियन बन्ने पहिलो नेपाली फाइटर बनेका छन् ।

‘दि इन्डियन राइनो’ उपनामले प्रख्यात कोरेनले सुरुमा रविन्द्रमाथि दबाब सिर्जना गर्ने प्रयास गरेका थिए। तर रविन्द्रले रणनीतिक खेल र संयमित आक्रमण गर्दै उपाधि जित्न सफल भए । रविन्द्रले कोरेनको पाँच खेलको जित यात्रा रोक्दै  ८–१ को प्रोफेशनल रेकर्ड बनाएका थिए।