बालेनले मेयर पदबाट आज राजीनामा दिने

१२६ पटक पढिएको

काठमाडौँ । काठमाडौँ महानगरका मेयर बालेन्द्र शाह (बालेन) ले आज मेयर पदबाट राजीनामा दिने तयारी गरेका छन् । उनले आजै राजीनामा दिएर दिउँसो २ बजे रास्वपाको केन्द्रीय कमिटी बैठकमा सहभागी हुने कार्यक्रम रहेको छ ।

उनले उपमेयर सुनिता डंगोललाई राजीनामा बुझाउने छन् भने राजीनामा पछि डंगोल कार्यवाहक मेयरको भूमिकामा हुने छिन् ।

बालेन फागुन २१ मा हुने प्रतिनधिसभा सदस्य निर्वाचनमा भाग लिन मेयर पद छोडेन लागेका हुन् । बालेनले झापा-५ बाट एमाले अध्यक्ष केपी शर्मा ओलीविरुद्ध उम्मेदवार बन्ने तयारी गरेका छन् ।

बालेन आज रास्वपाको केन्द्रीय समिति बैठकमा सहभागी भएर आजै सभापति रवि लामिछानेसँग जनकपुर जाने कार्यक्रम रहेको छ । रास्वपाले जनकपुरमा सोमबार विशेष सभाको आयोजना गरेर चुनावी कार्यक्रमको शुरुवात गर्दैछ ।