२८ औं स्थापना दिवसका अवसरमा किसान बचतद्धारा ट्राफिक सचेतना कार्यक्रम सम्पन्न

१०६६ पटक पढिएको

गै‌डाकोट, आषाढ ११। किसान बचत तथा ऋण सहकारी स‌ंस्था लि.को २८ औं स्थापना दिवसका अवसरमा सप्ताहव्यापी कार्यक्रम अन्तर्गत आज ट्राफिक सचेतना कार्यक्रम सम्पन्न गरेको छ।

जिल्ला ट्राफिक प्रहरी कार्यालय, नवलपुरको समन्वयमा गैंडाकोटको केन्द्रिय कार्यालय र देवचुली नगरपालिकाको दलदलेमा ट्राफिक सचेतना कार्यक्रम सम्पन्न भएको हो। त्यस्तै जिल्ला ट्राफिक कार्यालय, चितवनको समन्वयमा रत्ननगर नगरपालिकाको टाँडीचोकको राजमार्गमा पूर्वपश्चिम गुडीरहेका सवारीसाधनका चालकहरुलाई ट्राफिक सचेतना सम्वन्धि पम्प्लेट वितरण गर्दे ट्राफिक नियमको पालना गर्दे दुर्घटना न्यूनीकरणमा हातेमालो गर्न समेत संस्थाले आग्रह गरेको छ।

संस्थाको गैंडाकोट स्थित केन्द्रिय कार्यालयमा बिहान ८ वजे संस्थाका अध्यक्ष श्रीहरि चालिसेवाट अस्थायी ट्राफिक प्रहरि पोष्टका प्रमुख लेखनाथ पुरीलाई पम्प्लेट हस्तान्तरण गरि कार्यक्रमको उद्घाटन गरिएको थियो।

कार्यक्रममा वोल्दै संस्थाका अध्यक्ष चालिसेले सम्पूर्ण जनसमुदायले ट्राफिक नियमको उचित पालना गरेको खण्डमा दुर्घटना न्यूनीकरणमा सहजहुने बताउनुभयो ।

कार्यक्रममा संस्थाका सञ्चालक समिति सदस्य, लेखासमितीका पदाधिकारी, अन्य समिति उपसमितिका पदाधिकारी तथा कर्मचारीहरुको उपस्थिती रहेको थियो । यसैगरि देवचुली नगरपालिका अन्तर्गत दलदलेमा आयोजना गरेको कार्यक्रममा संस्थाका सञ्चालक समिति सदस्य एवम् पञ्चदृष्टि सेवाकेन्द्र संयोजक रेशमलाल सापकोटाज्यूको नेतृत्वमा जिल्ला ट्राफिक कार्यालय नवलपुरका प्रहरि नायव निरिक्षक राम वहादुर मगरातीको सहजीकरणमा सेवाकेन्द्र व्यवस्थापन समितिका पदाधिकारी तथा कर्मचारीको उपस्थितीमा उक्त कार्यक्रम सम्पन्न गरिएको थियो ।

चितवनको रत्ननगर नगरपालिका टाँडीमा आयोजना गरेको कार्यक्रममा संस्थाका उपाध्यक्ष भोजराज पौडेल र सौहार्द सेवाकेन्द्रका संयोजक चन्द्र प्रसाद नेपाल, व्यवस्थापन समितिका पदाधिकारी र कर्मचारीको उपस्थितीमा रहेको थियो।

सप्ताहव्यापी रुपमा आयोजित कार्यक्रम आषाढ १५ गते संस्थाको केन्द्रिय कार्यालयमा संयुक्त रक्तदान कार्यक्रम, एटिएम सेवा उद्घाटन, विपन्न सदस्यका छोराछोरीलाई शैक्षिक सामाग्री वितरण तथा दीपप्रज्वलन साथै संस्थाको कावासोती सेवाकेन्द्रमा वृहत खुल्ला रक्तदान कार्यक्रम गरि भव्य रुपमा सम्पन्न हुने भनि सस्थाका अध्यक्ष श्रीहरि चालिसेले जानकारी दिनुभयो ।