विश्वकप छनौटको प्लेअफमा आज नेपाल र युएई भिड्दै

काठमाडौं । आइसिसी विश्वकप छनोट अन्तर्गत प्लेअफ खेलमा आइतबार नेपालले युएईसँग प्रतिस्पर्धा गर्ने छ ।

जिम्बाबेको हरारेस्थित ताकाशिंगा स्पोर्ट्स क्लबमा हुने यी दुइ टोलीबीचको खेल आइतबार दिउँसो पौने १ बजे सुरु हुनेछ । यस खेलको विजेता टोलीले सातौँ स्थानका लागि आयरल्यान्डसँग प्रतिस्पर्धा गर्ने छ भने पराजित टोलीले नवौँ स्थानका लागि अमेरिकासँग प्रतिस्पर्धा गर्नेछ ।

नेपाल र युएई एकदिवसीय खेलका परिचित प्रतिद्वन्दी हुन् । यी दुई टीमबीच अहिलेसम्म १४ पटक एक दिववसीय प्रतिस्पर्धा हुँदा नेपाल ८ पटक विजयी भएको छ भने युएईले ६ पटक जितेको छ ।

आइसीसी एकदिवसीय विश्वकप छनौट खेल अन्गर्तत शनिबार भएको खेलमा वेष्ट इन्डिज विश्वकप छनोटबाट बाहिरिएको छ । स्कटल्यान्डले वेष्ट इन्डिजलाई ७ विकेटले पराजित गरेपछी विश्वकप छनोटबाटै वेस्ट इन्डिज बाहिरिएको हो ।