नवलपुरका ६ स्थानीय तहमा आज सार्वजनिक बिदा

६६९ पटक पढिएको

नवलपुर अनलाइन।  मगर दिवसको अवसरमा नवलपुरका स्थानीय तहहरूले सार्वजनिक बिदा घोषणा गरेका छन्।

मगर समुदायद्धारा उक्त दिवस उत्सवको रूपमा  मनाउन नवलपुरका ६ स्थानीय तहमा आज फागुन १५ गते आइतवार सार्वजनिक बिदा दिईएको हो।

बिदा घोषणा गर्ने स्थानीय तहहरूमा देवचुली नगरपालिका, मध्यविन्दु नगरपालिका, विनयी त्रिवेणी गाउँपालिका, बुलिङ्गटार गाउँपालिका, हुप्सेकोट गाउँपालिका र बौदीकाली गाउँपालिका रहेका छन्।

नवलपुर जिल्लामा ४ नगरपालिका र ४ गाउँपालिका सहित ८ वटा स्थानीय तह रहेका छन्।