बालकुमारीमा गोली लागेर एकको मृत्यु, एक जना गम्भीर घाइते

४२३ पटक पढिएको

काठमाडौं । शुक्रबार ललितपुरको बालकुमारीमा भएको प्रदर्शनमा गोली लागेर एक जनाको मृत्यु भएको छ । कोरिया जानका लागि रोजगार अनुमति प्रणाली (इपीएस) परीक्षा दिन नपाएपछि केहि युवाले प्रदर्शन गरेका थिए । सोहि प्रदर्शनले प्रहरीले गोली चलाउँदा एक जनाको मृत्यु भएको हो ।

उपत्यका प्रहरीका अनुसार मृत्यु हुनेमा सुजन राउत रहेका छन् । गोली लागेका राउतलाई उपचारका लागि किस्ट अस्पतालमा लगिएका थियो। उनको अस्पतालमै मृत्यु भएको जनाइएको छ । त्यस्तै, एक जना गम्भीर घाइते भएका छन् । उनको पाटन अस्पतालमा उपचार भइरहेको छ।

प्रदर्शनकारीले आज भौतिक, पूर्वाधार तथा यातायात मन्त्री प्रकाश ज्वालाको गाडीमा आगजनी गरेका छन् । आगजनीका कारण बा २ झ ५८६१ नम्बरको गाडी पूर्णरुपमा जलेको छ ।