पोल्याण्ड पठाउने भन्दै २३ लाख ठगी गर्ने देवचुलीका भगवत थारु पक्राउ

१२४ पटक पढिएको

काठमाडौँ । वैदेशिक रोजगारका लागि पोल्याण्ड पठाइदिने प्रलोभन देखाएर ठगी गरेको आरोपमा प्रहरीले नवलपुरको देवचुलीका एक जनालाई पक्राउ गरेको छ ।

पक्राउ पर्नेमा देवचुली नगरपालिका–५ निवासी ५३ वर्षीय भगवत प्रसाद थारु रहेका छन्।

काठमाडौँ उपत्यका अपराध अनुसन्धान कार्यालयका प्रवक्ता एवं प्रहरी उपरीक्षक रामेश्वर कार्कीका अनुसार थारुले पोल्याण्ड पठाउने भन्दै एकजना पीडितबाट २३ लाख रकम असुलेका थिए।

रकम लिएपछि उनी वैदेशिक रोजगारीका लागि विदेश नपठाई सम्पर्कविहीन बनेपछि पीडितले उजुरी दिएका र सोही उजुरीका आधारमा काठमाडौँ महानगरपालिका वडा नं ४ बाट असार ११ गते प्रहरीले पक्राउ गरेको हो।

उनलाई थप अनुसन्धान तथा आवश्यक कारबाहीका लागि वैदेशिक रोजगार विभाग, ताहाचल, काठमाडौँ पठाइएको प्रवक्ता कार्कीले जानकारी दिए ।