देवचुलीमा मतपेटिकामा एसिड हाल्ने व्यक्ति पक्राउ

५६३ पटक पढिएको

नवलपुरको देवचुली नगरपालिका वडा नं. ४ स्थित शान्ति सृजना केन्द्रमा मतदान चलिरहेको अवस्थामै मतपेटिकामा आगलागि भएको छ।

वडा नं. ४ स्थित नारायण भण्डारीले तीनवटा बाकसमा भोट खसाली सकेपश्चात प्रदेश तर्फको समानुपातिकको बाकसमा भोट खसाल्ने क्रममा एसिड हालेको जिल्ला निर्वाचन अधिकारी लाल प्रसाद शर्मा (भुषाल)ले बताउनुभयो।

मतपेटिकामा आगजनी गरि फरार रहेका भण्डारीले प्रहरीले करिब २ किमि टाढा बाट पक्राउ गरेको थियो।

घटनाका बारेमा थप अनुसन्धान भैरहेको प्रहरीले जनाएको छ।

प्रदेश तर्फको समानुपातिक तर्फको हिजो स्थगित भएको मतदान आज पुन: सुचारू हुने भुषालले बताउनुभयो।