वैशाख ९ देखि ११ सम्म चितवनमा आठौं नेपाल फर्मा एक्स्पो

५८५ पटक पढिएको

काठमाडौं- आठौं ‘नेपाल फर्मा एक्स्पो २०२२’ वैशाख ९ देखि ११ सम्म हुने भएको छ। नेपाल औषधि उत्पादक संघले एक्सपो आयोजना गर्न लागेको हो। शुक्रबार काठमाडौंमा पत्रकार सम्मेलन गर्दै संघले आठौं ‘नेपाल फर्मा एक्स्पो २०२२’ वैशाख ९ देखि ११ सम्म चितवनकाे ‘एक्स्पाे सेन्टर भरतपुर’मा हुने जानकारी दिएको हो।

यसअघि फागुनमा हुने भनिएको एक्सपो कोभिड १९ को संक्रमणको जोखिमका कारण स्थगित भएको थियो।

नेपालमा भइरहेको औषधि उत्पादनको प्रविधि र यसमा अपनाइएका संवेदनशिलताको बारेमा जनमानसमा सचेतना दिने,नेपालको औषधि उत्पादनलाई अन्तराष्ट्रिय स्तरसम्म पुयाउन अझ प्रविधिमैत्री र दक्षता प्रदान गर्ने, औषधि प्राविधिक र फर्मासिस्टहरुलाई अन्तराष्ट्रिय स्तरको नविन प्राविधिक ज्ञान दिने  एक्स्पोको उद्धेश्य रहेको छ।

एक्स्पोमा १६० स्टल रहनेछन। औषधि क्षेत्रमा नयाँ प्रविधिको खोज गरिरहेका विभिन्न १२० वटा बहुराष्ट्रिय कम्पनी, र ४० वटा नेपाली औषधि उद्योगहरुले समेत एक्स्पोमा भाग लिनेछन।

यस पटकको एक्स्पो नेपालमा औषधि उत्पादन क्षेत्रले अगाल्दै आएको ज्ञान तथा प्रविधीको विस्तार गर्ने अभियानमा केन्द्रित हुने संघका उपाध्यक्ष तथा एक्स्पोका मिडिया कोर्डिनेटर सन्तोष बरालले जानकारी दिए। स्वास्थ्यखबरबाट