नवलपुरमा एम्बुलेन्स र स्कुल भ्यान ठोक्किँदा १ जनाको मृत्य, पाँच घाइते

५०३ पटक पढिएको

जेठ १९- नवलपुरमा एम्बुलेन्स र स्कुल भ्यान ठोक्किँदा १ जनाको मृत्य भएको छ भने पाँच जना घाइते भएका छन्।

आज बिहान ८:३० बजे नवलपुरको देवचुली न.पा. वडा नं. २ दुम्कौली चोक स्थित पूर्व-पश्चिम राजमार्गमा बुटबलबाट नारायणघाट तर्फ बिरामी लिइ आउदै गरेको ना ४ च ४६४६ नं.को एम्बुलेन्स र रजहर चोकबाट दुम्कौली तर्फ जाँदै गरेको दिब्य एकेडेमी बोडिङ स्कुल केउरेनीको बा २०च ७२नं.को स्कुल भ्यान एक आपसमा ठक्कर खाएका थिए।

दिब्य एकेडेमी बोडिङ स्कुलका भ्यान चालक देवचुली १ बस्ने बर्ष अ.५२ को कुल प्रसाद सुबेदी टाउको र दुबै खुट्टामा चोटलागी उपचारको लागी पुरानो मेडिकल कलेज भरतपुर चितवन लगेकोमा उपचारको क्रममा चिकित्सक द्वारा ९:२०  बजेको समयमा मृत्यु भएको छ।

एम्बुलेन्समा सवार घाइतेहरुमा-

१) जिल्ला रुपन्देही बुटवल न.पा. ३ गोलपार्क बस्ने बर्ष ३६ की लक्ष्मी राइ – टाउकोमा चोट , मध्यम ।

२) ऐ.ऐ. बस्ने बर्ष अ. २५ की इसु राइ ,अनुहारमा चोट मध्यम ।

३) ऐ.ऐ. बस्ने बर्ष अ. २५ की स्नेहा परियार अनुहारमा चोट , मध्यम ।

स्थानिय भबिष्य पोली क्लनिक उपचार पश्चात डिस्चार्ज बिर्धार्थीहरुः-

१) देवचुली १७ बस्ने बर्ष १० की आयुसा गौतम – समान्य ।

२) ऐ.ऐ. ४ बस्ने बर्ष ६की सोखनिया रोक्का – सामान्य ।